Categories
razam

Вынікі пазачарговага сходу згуртавання 29 кастрычніка 2021г.

Апошні пазачарговы сход згуртавання RAZAM адбыўся ў пятніцу 29 кастрычніка.

Першым пунктам парадку сустрэчы было абранне дзвюх новых аўдытарак. Мы падзякавалі папярэдніц за іх уклад у развіццё RAZAM і пажадалі новых поспехаў у праектах і ініцыятывах RAZAM, якія яны працягнуць узначальваць у будучыні. Мы таксама дзякуем усім новым кандыдатам, хто пагадзіўся пераняць гэтую функцыю і стаць важнай падтрымкай нашага згуртавання.

Скарбнік згуртавання Яўген Фёдаравіч прадставіў бягучы фінансавы даклад. Больш падрабязна пра цяперашні стан ініцыятыў RAZAM можна азнаёміцца на нашым сайце.

Акрамя таго, мы абмеркавалі статус стратэгіі развіцця RAZAM. Сябры згуртавання выказаліся наконт свайго бачання будучыні Беларусі і нашага згуртавання: RAZAM будзе працягваць выконваць сваю ролю, падтрымліваючы беларускі народ уласнымі канкрэтнымі ініцыятывамі па аказанні дапамогі, асвятляючы сітуацыю ў Беларусі і аказваючы садзеянне палітычнай падтрымцы Беларусі. У доўгатэрміновай перспектыве Беларусь павінна трывала ўмацавацца ў нямецкай і еўрапейскай свядомасці як незалежная краіна з яе культурнай, сацыяльнай і гістарычнай унікальнасцю.

Categories
razam

Зварот наконт міграцыі праз Беларусь у ЭЗ

На фоне пагаршэння сітуацыі з мігрантамі, якія спрабуюць патрапіць у ЭЗ праз Беларусь, мы выступаем з заявай і з канкрэтнымі патрабаваннямі да нямецкай і еўрапейскай палітыкі.

Важна разумець, што гэта падвойны гуманітарны крызіс – як мігрантаў, так і беларускай грамадзянскай супольнасці. Абодва крызісы былі выкліканыя нелегітымным рэжымам, які не спыніцца ні перад чым, каб захаваць сваю ўладу. Таму абодва крызісы павінны разглядацца разам і рашацца разам.

Categories
razam Беларуская

Пачалася інфармацыйная кампанія #BelarusSichtbarMachen

Пад хэштэгам #BelarusSichtbarMachen сёння ў Instagram пачынаецца сумесная інфармацыйная кампанія беларускага супольнасці RAZAM e.V. і Libereco – Partnership for Human Rights.

Праз год пасля пачатку мірных масавых пратэстаў Беларусь не пазнаць. Сачыце за намі і даведайцеся

  • як развіваўся пратэст,
  • пра лёсы палітзняволеных і
  • як выглядае Беларусь сёння.

Далучайцеся да нас, каб зрабіць Беларусь бачнай! Дзяліцеся нашымі паведамленнямі і чакайце запуск нашага сайта 9 жніўня.

https://www.instagram.com/belarussichtbarmachen/

Categories
razam

Справаздача: Дапамога палітвязням у Беларусі

Дарагія сябры!

З красавіка 2021 года ў беларускага аб’яднання «RAZAM» у Германіі з’явілася ініцыятыва дапамогі палітычным вязням у Беларусі. Мы рады прадставіць Вам першую справаздачу аб нашай працы.

Справаздача
Красавік – Ліпень 2021

Даход

Папярэдні перыяд

0,00 €

Даход ад ахвяраванняў

9.361,90 €

Усяго
9.361,90 €

Выдаткі

Штомесячная дапамога
(16 палітвязьняў)

3.360,00 €

Адначасовая дапамога
(3 палітвязьняў)

1.032,00 €

Зборы

8,00€

Усяго
4.400,00 €

Каса

На 23-га Ліпеня

4.961,90 €

Дзякуй! Danke!

Хочацца падзякаваць усім, хто нас падтрымлівае. Гэта і неабыякавыя беларусы, і арганізацыя «Libereco», і праект «MusicForBelarus». З Вашай дапамогай колькасць вязняў, якіх мы падтрымліваем штомесячна, у ліпені вырасла з 7 да 16 чалавек. Сюды ўваходзяць як вязні, якія афіцыйна прызнаны палітычнымі вязнямі, так і тыя, хто не прызнаны, але знаходзіцца ў няволі з-за падзей, звязаных з прэзідэнцкімі выбарамі ў Рэспубліцы Беларусь 2020 года. Тры вязні, па прычыне асабліва цяжкай сітуацыі, атрымалі аднаразовыя выплаты.

У нашых планах дапамагчы як мага большай колькасці незаконна асуджаных людзей. З Вашай падтрымкай мы зможам гэта ажыццявіць!

Банкаўскі перавод:

Атрымальнік: Belarusische Gemeinschaft «RAZAM» e.V.
IBAN: DE14430609671186206000
BIC/SWIFT: GENODEM1GLS
Прызначэнне плацяжу: BelPPHelp

Categories
razam Беларуская

12-га чэрвеня 2021 г.: Палітычнае дбаньне з біскупам Крысціянам Штеблайн і Святланай Ціханоўскай

Дзень 12 чэрвеня 2021 года безумоўна назаўжды застанецца ў памяці 140 наведвальнікаў “Палітычнага дбаньня за Беларусь”: у гэты дзень у Гефсіманскай царкве група палітычнага дбаньня прыняла пратэстанцкага біскупа Крысціяна Штеблайна, правосту Крысціну-Марыю Баммель, лідарку беларускай апазыцыі Сьвятлану Ціханоўскую й Тацяну Хоміч, сястру зьняволенай Марыі Калеснікавай.

У сваім прывітаньні Святлана Ціханоўская распавяла пра тое, як больш чым 300 дзён мірнага пратэсту аб’ядналі людзей – пераадолеўшы сацыяльныя, рэлігійныя і нацыянальныя межы. Разам яны змагаюцца супраць гвалту, за вызваленьне ўсіх палітычных зьняволеных і зь верай у новую й свабодную Беларусь. Біскуп Штеблайн, у сваю чаргу, нагадаў пра сілу малітвы, асабліва ў гэтай суполцы ў Прэнцлаўэр Берг, якая “так шмат ведае пра сілу супраціву”.

Само набажэнства гэтым разам было прысьвечана асаблівай і шчыльнай сувязі мясцовых актывістаў і парафіян з падзеямі ў Беларусі, якія нагадалі шмат якім прысутным аб іхнай уласнай практыцы ў пазьнейшыя гады НДР. І зноў былі згаданыя імёны і лёсы людзей, якія за амаль год сталі блізкія сэрцам групы палітычных дбаньняў і ў думках сталі часткай грамады. “Тутака з кожным дбаньнем, з кожным аповедам, з кожнымі ціхімі модламі ля падсьвечніка й перад ахвярнікам, будуюцца масты чалавечнасьці, якія стануць асновай Новай і свабоднай Беларусі”.У музычным суправаджэньні Веранікі Кругловай і Валерыі Деле былі выкананы этнічныя беларускія кампазыцыі. Пакуль госьці запальвалі малітоўныя сьвечкі, у выкананьні сьпявачак прагучаў азнакаў гімн “Магутны Божа”, які часта гучыць у канцы царкоўных набажэнстваў у Беларусі, з просьбай да Бога дабраславіць Беларусь.

Categories
Беларуская

Заява групы “Хрысціянская візія” з нагоды гвалтоўнага змяшчэння архіепіскапа Арцемія ад кіравання Гродзенскай епархіяй

8 чэрвеня 2021 года Сінод Беларускай Праваслаўнай Царквы прыняў рашэнне хадайнічаць перад Свяцейшым Патрыярхам Маскоўскім і ўсяе Русі Кірылам і Свяцейшым Сінодам пра «аб залічэнні на спачынак Найвялебнага архіепіскапа Гродзенскага и Ваўкавыскага Арцемія паводле стану здароўя». 9 чэрвеня 2021 года члены Свяцейшага Сінода Рускай Праваслаўнай Царквы разгледзелі дадзенае хадайніцтва на экстранай нарадзе ў рэжыме анлайн і прынялі рашэнне аб звальненні архіепіскапа Арцемія на спачынак. Падобнае рашэнне, паводле Статуту Рускай Праваслаўнай Царквы, з’яўляецца “выключным выпадкам” (V.26.а.).

Фактычна ж, дадзенае рашэнне – гэта гвалтоўнае змяшчэнне епархіяльнага архіярэя, матываванае загадзя ілжывай падставай: нібыта “паводле стану здароўя”. Пра штучнасць такой падставы сведчыць адсутнасць прашэння аб залічэнні на спачынак ад імя самога архіепіскапа Арцемія, а таксама спешнасць і кананічная неакуратнасць, з якімі дадзенае рашэнне ажыццяўлялася. 

Варта меркаваць, што сапраўднай прычынай гвалтоўнага змяшчэння архіепіскапа Арцемія з Гродзенскай епархіі, таксама як і прычынай змяшчэння з Мінскай кафедры і пасады Патрыяршага Экзарха мітрапаліта Паўла (Панамарова) ў жніўні 2020 года, зрабілася адважная публічная маральная пазіцыя абодвух архіярэяў падчас грамадска-палітычнага крызіса, які пачаўся ў Беларусі летам 2020 года.

Крызіс, які працягваецца і дагэтуль, быў выкліканы фальсіфікацыяй рэзультатаў прэзідэнцкіх выбараў і сілавым утрыманнем улады былым прэзідэнтам Рэспублікі Беларусь Аляксандрам Лукашэнкам, а таксама надзвычайным гвалтам, масавымі рэпрэсіямі, катаваннямі і пераследам у дачыненні грамадзянаў Рэспублікі Беларусь, якія выказвалі сваю нязгоду з беззаконнем, парушэннем канстытуцыйных прынцыпаў дэмакратыі і прававой дзяржавы, грубым парушэннем асноўных правоў і свабодаў чалавека.

Архіепіскап Арцемій адным з першых сярод царкоўных лідараў выступіў як сведка Праўды ў вечнай барацьбе дабра і зла, у сваім звароце да паствы 14 жніўня па-прароцку папярэджваючы: “нельга гуляцца з Праўдай, скажаючы і нявечачы яе дзеля палітычнай мэтазгоднасці. Бо Праўда – гэта той каштоўнасны феномен і сэнсавая катэгорыя, за якою стаіць – БОГ! І калі Праўда бярэцца ў двукоссі і лёгкім рухам рукі пераўтвараецца ў хлусню, то зневажаецца Той, Хто ёсьць Айцом Праўды! І на арэну выходзіць іншы айцец. Айцец маны. Якога, як мы ведаем са Слова Божага, завуць – Д’ябал!.. Няхай жа будуць справядліва, сумленна і адкрыта расследаваныя ўсе факты падману, гвалту і жорсткасці, каб здзейснілася Правасуддзе і затрыюмфавала Праўда!”

У сваім казанні 16 жніўня архіепіскап Арцемій заявіў: “Пазіцыя веруючага чалавека – ён не мірыцца са злом, ён не падстройваецца пад тых, у каго ўлада, а робіць так, як загадаў Хрыстос”. 

Архіепіскап Арцемій сведчыў пра евангельскую праўду не толькі ва ўмовах палітычнага крызіса. Гэта аўтарытэтны і паважаны архіярэй Беларускай Праваслаўнай Царквы, яго багаслоўскую і пастырскую школу прайшлі тысячы актыўных маладых міранаў, місіянераў і студэнтаў тэалогіі. Сапраўдны айцец для сваёй паствы, у чыёй епархіі адносіны будаваліся на падставе бясспрэчнага аўтарытэта, узаемнага даверу і павагі. У Гродзенскай епархіі, якою ён кіраваў, дзейнічага міранская калегія, моладзевыя праваслаўныя братэрствы, а таксама экалагічны епархіяльны аддзел. 

У сярэдзіне жніўня больш за 300 чалавек – святароў, багасловаў, інтэлектуалаў, актыўных міранаў, супрацоўнікаў структур БПЦ напісалі ўладыку Арцемію ліст з падзякаю за яго пазіцыю і смеласць.

Гвалтоўнае змяшчэнне архіепіскапа Арцемія падрывае аўтарытэт іерархіі ў царкоўным народзе, сярод міранаў і святарства, а таксама шкодзіць вобразу Праваслаўнай Царквы ў беларускім грамадстве.

Мы выказваем сваю рашучую нязгоду з палітычна матываваным гвалтоўным змяшчэннем архіепіскапа Арцемія і кананічным свавольствам у дачыненні да яго. Мы рэзка асуджаем дзеянні Сінода Беларускай Праваслаўнай Царквы і Рускай Праваслаўнай Царквы, накіраваныя на беспадстаўны пераслед архіепіскапа Арцемія. Мы заклікаем тых, хто актыўна ўдзельнічаў у змяшчэнні архіепіскапа Арцемія або сваім маўчаннем падтрымаў несправядлівасць у дачыненні да яго, прыняць усе меры, каб аднавіць справядлівасць. 

Мы горача вітаем салідарнасць святароў, багасловаў і актыўных міранаў Беларускай Праваслаўнай Царквы ў дачыненні архіепіскапа Арцемія, а таксама салідарнасць з боку святароў і вернікаў іншых канфесій. Асабліва адзначаем тых епіскапаў, якія адмовіліся ўдзельнічаць у кананічным гвалце ў дачыненні да свайго сабрата.

Мы звяртаем увагу замежных цэркваў, экуменічных арганізацый і міжнароднай супольнасці на тое, што падобны палітычна матываваны пераслед лідара царквы з’яўляецца чарговым яскравым прыкладам ціску на Царкву і царкоўных лідараў, які здзяйсняе палітычны рэжым у Рэспубліцы Беларусь, умяшальніцтвам дзяржавы ў аўтаномію царкоўнай арганізацыі і фактычна пераследам за веру. Мы заклікаем сусветную хрысціянскую супольнасць да салідарнасці з гнаным праваслаўным епіскапам. 

Мы выказваем сваю глыбокую павагу і падзяку архіепіскапу Арцемію за яго смеласць у пропаведзі евангельскіх праўдаў, за рашучасць у абароне прынцыпаў міру і справядлівасці, за прароцкі голас і надзею на будучыню Беларускай Праваслаўнай Царквы.

Група “Хрысціянская візія”

Categories
razam Беларуская

Новы лягатып нашага Згуртаваньня

Дарагія сябры й сяброўкі!

Мы радыя прэзентаваць новы лягатып нашага Згуртаваньня: галоўны складнік лягатыпа – надпіс “RAZAM DE”, выкананы чырвоным стылізаваным шрыфтам на белым грунце. Апошнія дзьве літары “DE” ня толькі паказваюць на тое, што мы ёсьць арганізацыя Нямеччыны, але й адсылаюць на наш вэбсайт, што таксама важна. Другім складнікам лягатыпа ёсьць выява бусла, які ўзьлятае. Бусел,злучаючы “RAZAM” і “DE”, накіраваны на Ўсход, у кірунку да Беларусі. Лягатып завяршае выслоўе “Belarusische Gemeinschaft” – Беларускае Згуртаваньне. 

Бусел увасабляе ціхамірнасьць, мудрасьць, пачатак новага жыцьця й, тым самым, сымбалічна ўяўляе сабою ня толькі аснову й галоўныя каштоўнасьці, але таксама й матывацыю стварэньня нашага Згуртаваньня. Стылістыка шрыфту й выявы бусла перагукваюцца са старажытнымі традыцыямі беларускіх рамёстваў: разьбярствам, пляценьнем і аплікацыяй з саломкі, ганчарніцтвам. Разам з тым, мах крылаў і ўзьнятая галава бусла надаюць лягатыпу рух, скіраванасьць наперад. Прастэча, дакладнасьць і прапрацаванасьць формы перадаюць адчуваньне сучаснасьці лягатыпа. Аднакаляровае вырашэньне лёгка дазваляе ўсяляк выкарыстоўваць новы лягатып: на ягонай аснове былі распрацаваныя блянкі службовых лістоў, прымернік прадстаўленьняў ды спадарожны графічна-візуальны матар’ял прадстаўленьня RAZAM. Таксама, ключовыя складнікі новага лягатыпа лёгка прыстасоўваюцца да каналаў сацыяльных мэдыяў.

Categories
razam Беларуская

«Словы Cалідарнасьці»

У рамках сумеснай акцыі «Словы салідарнасьці» Фэдэральнае аб’яднаньне нямецка-польскага грамадства і Беларускаеаб’яднаньне RAZAM e.V. заклікаюць да падтрымкі зьняволеных прадстаўнікоў польскай меншасьці ў Беларусі. З момантупачатку самых маштабных акцый пратэсту супраць аўтарытарнага рэжыму Аляксандра Лукашэнкі, якія пачаліся ў жніўні 2020 года, дзяржава адказвала гвалтам і рэпрэсіямі. На працягу некалькіх месяцаў людзі ў Беларусі праяўляюць вялікую мужнасць, адкрыта і мірна дэманструючы на вуліцах эўрапейскія каштоўнасьці – дэмакратыю, свабоду, правы чалавека і вяршэнствазакона. Паступаючы так, яны рызыкуюць быць арыштаванымі, страціць свой сацыяльны статус, працу і нават жыцьцё. Тымчасам сямёрым людзям давялося заплаціць сваім жыцьцём, а 35 тысяч былі арыштаваныя.

Прадстаўнікі польскай меншасьці ў Беларусі таксама пакутуюць ад рэпрэсіяў рэжыму. Дзяржаўная прапаганда абвінавачвае Польшчу ў падтрымцы пратэстаў. Мы хочам падтрымаць гэтых людзей і паказаць, што іхні лёс не застаецца незаўважаным. Мы заклікаем усіх сябраў Фэдэральнай асацыяцыі нямецка-польскага грамадзтва, а таксама ўсіх іншых прыхільнікаў выказаць салідарнасьць з арыштаванымі прадстаўнікамі польскай меншасьці ў Беларусі ў асабістым лісце і, перш за ўсё, паказаць, што мы, жывучы ў згодзе й свабодзе, не застаемся абыякавымі да таго, што адбываецца ўва ўсходняга суседа Эўразьвязу.

Пяцёра сябраў польскай дыяспары ў цяперашні час знаходзяцца пад вартай у Беларусі па абвінавачваньні ў «распальваньні нацыянальнай і рэлігійнай варожасьці»:

Анжаліка Борыс, настаўніца й былая старшыня Згуртаваньня палякаў Беларусі (ЗПБ)

Андрэй Пачобут, карэспандэнт газэты Gazeta Wyborcza і сябра ЗПБ

Марыя Цішкоўская, дырэктарка дзяржаўнай школы пры ЗПБ

Ганна Панішава, дырэктарка Польскай школы ў Берасьці

Ірэна Бярнацкая, старшыня мясцовага таварыства ЗПБ ў Лідзе

Усе яны прызнаныя палітычнымі вязьнямі праваабарончай арганізацыяй “Вясна”. Сьпіс імёнаў іншых зьняволеных, якім вы можаце адпраўляць свае лісты, можна знайсьці па адрасе: https://prisoners.spring96.org/en

У той жа час, мы хацелі б адзначыць у гэтым кантэксьце, што зьняволеных можна падтрымаць матэрыяльна. Дадатковую інфармацыю можна знайсьці па адрасе: https://razam.de/be/dapamoha-palitzek/

Партнёры RAZAM па супрацоўніцтве:

Categories
Беларуская

Берлінская СДПГ падтрымлівае грамадзянскую супольнасць Беларусі

На канферэнцыі Берлінскай СДПГ 24 красавіка 2021 г. была прынята прапанова спецыяльнага камітэта “Міжнародная палітыка, мір і развіццё” аб падтрымцы беларускай грамадзянскай супольнасці, якая стала афіцыйнай пазіцыяй берлінскай СДПГ.

Напярэдадні адбыўся абмен инфармацыяй з беларускай суполкай RAZAM e.V. па становішчы грамадзянскай супольнасці ў Беларусі і магчымасцях падтрымкі людзей у Беларусі і беларускай дыяспары ў Германіі.

Гэта рэзалюцыя заклікае сацыял-дэмакратычных сябраў федэральнага ўрада, урада зямлі і групы СДПГ у Бундэстагу:

  1. Вызваленне ўсіх палітвязняў, неадкладнае спыненне гвалту і патрабаванне новых сумленных і свабодных выбараў;
  2. Задакументаваць выпадкі і забяспечыць пераслед за парушэнні правоў чалавека;
  3. Патрабаваць сур’ёзнай канстытуцыйнай рэформы з удзелам усіх палітычных суб’ектаў, асабліва дэмакратычнага руху, і звярнуцца да Расіі з просьбай дазволіць інклюзіўны палітычны працэс;
  4. Прапаганда асабістых санкцый супраць адказных, у тым ліку прадстаўнікоў сярэдняга і ніжэйшага ўзроўню судовай сістэмы і органаў бяспекі, а таксама супраць кампаній, якія належаць верным рэжыму алігархам;
  5. Забяспечыць атрыманне гуманітарных віз, спрашчэнне візавага рэжыму і, у сярэднетэрміновай перспектыве, лібералізацыю візавага рэжыму, асабліва для актывістаў, што ратуюцца ад рэпрэсій;
  6. Цесна супрацоўнічаць з апазіцыйнымі структурамі (напрыклад, з Каардынацыйным Саветам);
  7. Стварэнне праграм абмену, кансультацый і падтрымкі для 8 прафсаюзных арганізацый, забастовачных камітэтаў і бастуючых рабочых, напрыклад, у форме партнёрства і грантаў для беларускіх забастовачных фондаў;
  8. Ініцыяваць стварэнне “Беларускага дома” ў Берліне для спрыяння працы структур грамадзянскай супольнасці ў эміграцыі і ўмацавання нямецка-беларускага культурнага абмену;
  9. Падтрымка стыпендый и праграм фінансавання для пераследуемых праваабаронцаў і прадстаўнікоў няўрадавых арганізацый, асабліва для жанчын.
Categories
razam

Абрана новая рада

У пятніцу 2 красавіка 2021 г. праз відэаплатформу Zoom адбыўся агульны сход аб‘яднання Razam e.V. У сесіі прынялі ўдзел ад 52 да 64 чалавек з 18:00 да 23:00. Для нямецкамоўных сяброў суполкі руска- і беларускамоўныя прамовы перакладаліся на нямецкую.

Самая галоўная тэма сходу вечара – гэта выбары ў раду Razam e.V. Адпаведным усебаковым галасаваннем, былі абраныя мадэратар сходу і падліковая камісія, а папярэдняе кіраўніцтва было распушчана.

Перад выбарамі члены старой рады распавялі пра сваю працу ў арганізацыі, пра свае дасягненні, пра тое колькі было ўкладзена сіл, часу, душы і сэрцы. I як бы далей не склаліся абставіны, яны заўсёды застануцца з арганізацыяй і заўсёды будуць дапамагаць чым могуць.

Пасля гэтага 56 удзельнікаў прыступілі да выбараў. Усяго ў члены рады на розныя пасады балатавалася больш за 12 чалавек. Па выніках онлайн галасавання быў вызначаны наступны склад пашыранай рады і аўдытары на тэрмін да 2023 года:

1-ы старшыня: Антон Нядзелька
2-гі старшыня: Юлія Салаўёва
Скарбнік: Яўген Федаравіч
Засядальнікі: Дзяніс Бруеў, Элізабэт Чыгрын, Алесь Маісеенка, Андрэй Румянцаў, Эн Шкор і Алена Бачанаў
Аўдытары: ХХХХ ХХХХ (без імя дзеля бяспекі), Александрына Калеснікава і Лена Борыс

У рамках сустрэчы, сярод іншага, былі абмеркаваны змена лагатыпа аб‘яднання і нядаўна распачаты праект “Няўрадавыя арганізацыі і эксперты за дэмакатыю ў Беларусі”.

Абраная рады выказвае падзяку кожнаму з удзельнікаў сходу і асабліва былой радзе, старшыні, сакратару, перакладчыцы і лічбавай камісіі сходу. Кожны сябар Razam e.V. уносіць важную ролю ў развіццё нашага аб’яднання. Мы не самотныя і падтрымліваем адзін аднаго ў імкненні да дабрабыту Беларусі.

Новая рада хацела б падзякаваць ўсіх вас за давер, якi вы нам аказалі! Мы працягнем працу распачатую папярэдняй рады і прыкладзем максімум намаганняў выкарыстоўваючы ўсе наяўныя магчымасці для падтрымкі дэмакратычнага развіцця беларускага грамадства.