Categories
razam

Плакат у Саксоніі: Свабоду нельга прымаць як належнае

Плакаты пра Беларусь з’явіліся і ў Саксоніі: у гарадах Лейпцыг і Дрэздэн. Беларуская дыяспара ў Германіі пры падтрымцы RAZAM e.V. распрацавала плакат, які прызывае нямецкае грамадства, не заставацца абыякавымі да палітычнай сітуацыі ў Беларусі. Аналагічная рэкламная кампанія прайшла ў траўні гэтага года ў зямлі Паўночны Рэйн-Вестфалія, якая і натхніла беларусаў Саксоніі.

Як і ў зямлі Паўночны Рэйн-Вестфалія, падтрымку ўдалося атрымаць ад аднаго з найбуйнейшых аператараў вонкавай рэкламы ў Еўропе – Ströer SE & Co. KGaA. Кампанія прапанавала прафінансаваць 30 плаката-месцаў у Дрэздэне і Лейпцыге (15 Дрэздэн і 15 Лейпцыг). Друк і тэхнічны збор былі аплачаныя з ахвяраванняў дыяспары і неабыякавых грамадзян Германіі. Плакаты пра палітычныя рэпрэсіі ў Беларусі правясяць 3 тыдні ў розных частках гарадоў пачынаючы з 16 жніўня.

Усю дадатковую інфармацыю аб актуальным становішчы ў Беларусі вы можаце знайсці на сайце belarussichtbarmachen.de (#BelarusSichtbarMachen).

Беларусы Саксоніі і ўсяго свету выказваюць вялікую падзяку фірме Ströer SE & Co. KGaA і ўсім неабыякавым людзям, якія дапамагаюць беларусам у барацьбе за іх правы!

Categories
razam

Інфармацыйная кампанія #BelarusSichtbarMachen 5га жніўня

Сачыце за нашай інфармацыйнай кампаніяй #BelarusSichtbarMachen на Instagram! Пасля паведамлення пра студэнтаў у Беларусі, сёння вы зможаце даведацца больш аб пратэстным руху да 2020 года:

  • З першай грамадзянскай паніхіды на месцы масавых расстрэлаў НКУС у Курапатах у 1988 годзе,
  • знакамітага “Чарнобыльскага маршу”,
  • крывавага адказу Лукашэнка на кожны пратэст з 1996 года,
  • дэманстрацый на “Плошчы” ў 2006 і 2010 гадах,
  • да “маршаў дармаедаў” ў 2017 годзе.

Далучайцеся да нас, каб зрабіць Беларусь бачнай! Дзяліцеся нашымі паведамленнямі і чакайце запуск нашага сайта 9 жніўня.

https://www.instagram.com/belarussichtbarmachen/

Categories
razam Беларуская

Сустрэча са Святланай Ціханоўскай

12 чэрвеня сябры Рады аб’яднання Razam e.V. і прадстаўнікі ініцыятывы Народнай амбасады Беларусі ў Германіі сустрэліся ў Берліне са Святланай Ціханоўскай, яе штабам і сястрой Марыі Калеснікавай, Таццянай Хоміч.

Мы прадставілі нашу арганізацыю, асабліва падкрэсліўшы, як шмат ініцыятыўных беларусаў у Германіі займаецца праектамі, звязанымі з дэмакратызацыяй Беларусі і прасоўваннем беларускай культуры.

Гэта быў вельмі плённы дыялог. Святлана Ціханоўская выказала шчырае захапленне працай нашай дыяспары. Напрыканцы сустрэчы Святлана падкрэсліла, наколькі важна пісаць лісты палітвязням. Таму мы таксама хацелі б нагадаць усім: калі ласка, вылучце колькі хвілін і напішыце ліст.

Напісаць ліст
Актуальныя спісы зняволеных з адрасамі

Ахвяраванні палітвязням:
Уладальнік рахунку: Belarusische Gemeinschaft RAZAM e.V.
IBAN: DE14430609671186206000
Прызначэнне: BelPPHelp

Paypal

Categories
Беларуская

Дапамога палітычным вязням

Шаноўныя сябры!
Аб’яднанне “RAZAM e.v.” утварыла ініцыятыўную групу, якая мае на мэце дапамогу людзям у Беларусі, што ўтрымліваюцца ў няволі па палітычных матывах. На 27 сакавіка палітычнымі вязнямі ў Беларусі прызнаныя 360 зняволеныя. Увогуле ў беларускіх вязніцах знаходзіцца прынамсі 555 чалавек, якім выстаўлены крымінальныя абвінавачанні, тым ці іншым чынам звязаныя з падзеямі пасля прэзідэнцкіх выбараў 2020 года. Гэтым людзям і іх сем’ям, як нікому, патрэбная наша падтрымка.

Вязні маюць права атрымліваць пасылкі ды бандэролі ад любых адпраўнікоў, а таксама перадачы вагой да 30 кг адзін раз на месяц (гэтыя варункі могуць адрознівацца ў залежнасці ад статусу вязня ды месца зняволення). Кошт адной перадачы складае прыкладна 150 бел. рублёў; такую ж суму грошай вязень мае права выдаткоўваць у мясцовай краме, каб набыць тавары першай неабходнасці.

Падтрымка аказваецца праз апякунства над вязнямі, і, каб ажыццявіць такое апякунства, нам былі б вельмі дарэчы рэгулярныя, штомесячныя ахвяраванні. Такім чынам мы маглі б планаваць, колькі вязняў можа ўзяць пад сваю апеку аб’яднанне “RAZAM e.v.” Дапамога ўзгадняецца з роднымі вязняў і аказваецца пры падтрымцы некамерцыйнай ініцыятывы Dissidentby. Мы шчыра вітаем дапамогу і садзейнічанне ў развіцці гэтага праекта.

Падрабязнасці можна знайсці ў адпаведным раздзеле на нашым сайце.

Банкаўскія рэквізіты:
Атрымальнік: Belarusische Gemeinschaft RAZAM e.V.
IBAN: DE14430609671186206000
BIC/SWIFT: GENODEM1GLS
Прызначэнне аплаты: BelPPHelp

Paypal:
https://www.paypal.com/donate?hosted_button_id=TNKNVLATNWZYN

Categories
razam Беларуская

Плакат: Свабоду нельга прымаць як належнае

Каманда валанцёраў з Паўночнай Рэйн-Вестфаліі пры падтрымцы Згуртавання беларусаў Германіі RAZAM e.V. стварыла плакат, закліканы прыцягнуць увагу нямецкага грамадства да праблем палітычных рэпрэсій ў Беларусі.

Пасля правядзення перамоў з некалькімі кампаніямі, якiя займаюцца вонкавай рэкламай i валодаюць рэкламнымi плошчамi у Дзюсельдорфе і Кёльне, удалося атрымаць фінансавую падтрымку ад кампаніі Ströer SE & Co. KGaA (https://www.stroeer.com), аднаго з буйнейшых аператараў вонкавай рэкламы ў Еўропе. Гэтая кампанія пагадзілася прафінансаваць арэнду 20-ці плаката-тыдняў у фармаце CityLight ў гарадах Паўночнай Рэйн-Вестфаліі. Кошты на друк і тэхнічны збор былі пакрытыя праз ахвяраванні дыяспарай Паўночнай Рэйн-Вестфаліі і РАЗАМ e.V. Плакаты будуць вывешаныя з 4 па 17 траўня ў 7 лакацыях горада Дзюсэльдорф і 6 лакацыях горада Кёльн. Адна частка плакатаў будзе вывешаная на адзін тыдзень, іншая на два.

QR-кады вядуць на старонкі https://razam.de/sich-informieren/ і https://razam.de/spenden/, дзе ўсе змогуць азнаёміцца ​​з бягучай сітуацыяй ў Беларусі і з інфармацыяй пра тое, як можна фінансава дапамагчы беларусам ў бядзе.

Мы дзякуем фірме Ströer за падтрымку! Паляванне на сэлфі пачалося 🙂

Categories
razam

Агульны сход 02.04.21

Шаноўныя сябры ды сяброўкі згуртаваньня,

Як ужо было абвешчана, тэрмін паўнамоцтваў дзейнай Рады неўзабаве скончыцца. Мы ўсьцешаныя шчыра запрасіць Вас на агульны сход 2 красавіка 2021 года ў 18:00.

На паседжаньні будуць абірацца раднікі/цы на наступныя 2 гады, г. зн. да 2 красавіка 2023 года.

Сустрэча будзе праходзіць у рэжыме онлайн праз Zoom. Дапаможнік як далучыцца да сходу, ды сьпіс кандыдатаў былі разасланыя загадзя.

Калі вы не атрымалі электроннага паведамленьня, калі ласка, выканайце наступныя дзеяньні:
1. праверце тэчку “Spam” і тэчку “Promotion” вашай паштовай скрыні.
2. калі вы не атрымалі ад нас ліста па электроннай пошце, калі ласка, напішыце на адрас contact@razam.de. Мы Вам ахвотна дапаможам.

Мы будзем радыя Вашаму ўдзелу, пытаньням і прапановам!

Пасля заканчэньня працэсу рэгістрацыі, ў нашага клюба нарэшце з’явіўся афіцыйны рахунак. З гэтага моманту, калі ласка, пералічвайце вашыя сяброўскія ўнёскі на:

Kontoinhaber: Belarusische Gemeinschaft RAZAM e.V.
IBAN: DE14430609671186206000
BIC: GENODEM1GLS
Kreditinstitut: GLS Gemeinschaftsbank eG
Verwendungszweck: Mitgliedsbeitrag

Categories
razam Дапамога беларускім уцекачам Справаздача

Дапамога ўцекачам. Справаздача 22.03.21

Дарагія сябры!

За вышэй паказаны перыяд мы здолелі сабраць 4185,58 эўра. Апроч прыватных ахвяраваньняў, на рахунак нашага праекта паступілі грашовыя сродкі ад ініцыятывы «Breathe Freedom. Дыхайце воляй», а таксама ад беларускай дыяспары NRW.

Дапамога ў аплаце часовага жытла была аказаная 60 беларускім уцекачам, улучаючы пяць сямей зь дзецьмі. Час жытлаваньня складаў/складае ад некалькіх дзён да пяцi тыдняў. У некалькiх выпадках была аказаная фінансавая дапамога па даплаце за арэнду кватэры. Іншым уцекачам было сплачана часовае жытлаваньне ў хостэле цi ў арандуемай для праекта кватэры. (колiвiнг). Мы ўзычылі сэртыфікаты на прадукты харчваньня пяцi беларускім уцекачам.

Дзякуючы вашым ахвяраванням, з моманту старту праекта (снежань 2020) нашу дапамогу атрымалі больш за 110 чалавек.

Фінансавая справаздача за перыяд 18.02.2021 — 22.03.2021

Прыбыткі:
Агулам: 4185,58 эўра

Выдаткі: 
Аплата жытла: 3493,53 эўра
Цэртыфікаты на прадукты харчваньня: 82,12 эўра
Камісія за пералік грошай: 71,90 еўра

Агулам: 3647,55 эўра

Рэшта з прошлага месяца: 222,28
Рэшта: 760,31 эўра

Categories
Belarusisch

Рахунак

Паважаныя сябры! 

У нас нарэшце з’явіўся афіцыйны рахунак, на які можна пералічыць сяброўскія ўнёскі ды ахвяраванні. 

Kontoinhaber: Belarusische Gemeinschaft “RAZAM” e.V.
IBAN: DE14430609671186206000
BIC: GENODEM1GLS
Kreditinstitut: GLS Gemeinschaftsbank eG

Каб пералічыць свой сяброўскі ўнёсак, выкарыстоўвайце, калі ласка, наступны код пераліку:

Verwendungszweck: Mitgliedsbeitrag 2021
Summe: 10 Euro

Згодна з законам, якія дзейнічае з 01.01.2021, пацверджаннем ахвяравання да 300 эўра з’яўляецца выпіска аб пераводзе грошай з вашага рахунку. Калі вы цягам году робіце ахвяраванне на суму больш за 300 эўра, то, калі ласка, пішыце свой адрас, а таксама адрэсу электроннай пошты, каб атрымаць пасьля пацверджанне аб ахвяраванні (Spendenquittung).

Categories
Belarusisch Дапамога беларускім уцекачам Справаздача

Дапамога ўцекачам. Справаздача 17.02.21

Дарагія сябры!

З 16.01.21 па 17.02.21 мы здолелі сабраць 2.503,58 эўра.

За гэты перыяд была аказаная наступная дапамога:

  • Аплата часовага жытла: 1746 еўра.
  • Купля цэртыфікатаў на прадукты харчваньня: 145,38 эўра.
  • Пакрыцьцё пільных медычных выдаткаў: 600 еўра.

Дапамога ў аплаце часовага жытла была аказаная 21-му беларускаму уцекачу, улучаючы чатыры сям’і зь дзецьмі. Час жытлаваньня складаў/складае ад некалькіх дзён да месяца. 

Мы ўзычылі цэртыфікаты на прадукты харчваньня беларускім уцекачам у колькасці трох чалавек. Пільныя медычныя выдаткі былі пакрыты двум уцекачам.

Фінансавая справаздача пра праведзеныя грашовыя аперацыі па ўзычэньню дапамогі беларускім уцекачам ва Ўкраіне за перыяд 16.01.2021 — 17.02.2021

Прыбыткі:
Пералічанае на рахунак злічво: 480 еўра
Праз Money Pool для Украіны: 1429,40 эўра
Праз іншы Money Pool: 270 эўра
На PayPal: 323,92 эўра

Агулам: 2.503,32 эўра

Выдаткі: 
Аплата жытла: 1746,00 эўра
Цэртыфікаты на прадукты харчваньня: 145,38 эўра
Медыцынскія выдаткі: 600 еўра
Камісія за пералік грошай: 33,46 еўра

Агулам: 2.524,84 эўра

Рэшта з прошлага месяца: 243,80
Рэшта: 222,28 эўра

Categories
Belarusisch Merkamat

Merkamat перамагае на Хакатоне

RAZAM e.V. ставіць сваёй мэтай садзейнічаць дэмакратычным пераўтварэнням у Беларусі. Мы лічым, што досьвед Нямеччыны ў пабудове стабільнай дэмакратычнай сістэмы можа быць вельмі карысны для беларускага грамадства.

Адным з першых нашых праектаў у гэтым кірунку стаўся Merkamat, адаптаваная для Беларусі версія wahl-o-mat. Наша каманда прадставіла Merkamat на Хакатоне Belarus Digital Future і перамагла. Ініцыятыва Belarus Digital Future шукае адказ на пытанне, якую Беларусь будучыні мы хочам? І якое месца ў новай Беларусі будуць гуляць тэхналогіі?

Відэа прэзентацыі на рускай мове можна паглядзець па спасылцы ніжэй: