Categories
razam

Razam Run

Хочаш дапамагчы ўкраінцам і беларусам, якія былі вымушаныя пакінуць свой дом? Гэта проста. Бяжым разам!

#RAZAMRUN – анлайн-забег у падтрымку ўкраінскіх і беларускіх сем’яў, якія эмігравалі ў іншыя краіны і спрабуюць пачаць жыць нанова.

Выбірай любую дыстанцыю і бяжы ў любы час, у любым тэмпе, у любым месцы.

📌 Рэгіструйся на сайце, зрабі ахвяраванне ад 10 еўра, атрымай свой стартавы нумар і бяжы, каб дапамагчы.

🏃Калі бяжым: з 15 па 18 красавіка.

Усе атрыманыя сродкі пойдуць на гуманітарную дапамогу бежанцам з Украіны і Беларусі.

Выкладвай сэлфі і рабі посты з хэштэгам #BelaruswithUkraine #StandwithUkraine, каб як мага больш людзей змаглі зрабіць жыццё простых украінцаў і беларусаў лепшым.

Па заканчэнні анлайн-забегу кожны ўдзельнік атрымлівае сертыфікат і неверагодныя эмоцыі ад дапамогі людзям, якія як ніколі ў гэтым маюць патрэбу.

#RAZAMRUN

Бяжым разам — дапамагаем разам!

Categories
Дапамога беларускім уцекачам Навiны праекта

Праца нашага праекта

Шаноўныя сябры!

Як вы разумееце, вайна ва Украiне мае самы непасрэдны ўплыў i на працу нашага праекта. Ужо 12 студзеня для беларусаў была зачынена беларуска-ўкраінская мяжа. У гэты ж час наша партнёрская арганізацыя Free Belarus Center (FBC) перавезла частку ўцекачоў, якім мы дапамагалі на той момант, з Кіева ва Львоў, а потым у Польшчу.

На сённяшні дзень FBC працуе ў Варшаве i займаецца эвакуацыяй людзей (пераважна жанчын i дзяцей) з Украіны ў Польшчу, арганізуе гуманітарную дапамогу, а таксама вядзе вельмі важную інфармацыйную працу https://t.me/freebelaruscenter.

Паводле iнфармацыi Міжнароднай міграцыйнай арганізацыі ААН, за час расейскай агрэсіі за мяжу выехалі 1,45 мільёна ўцекачоў (на 06 сакавiка). Асобнай статыстыкі па беларусах няма. Мы ведаем, што з верасня 2020 года да снежня 2021 года ва Украiну пераехалі i асталяваліся там каля 40 тыс. беларусаў. Сярод апошніх шмат палітычных уцекачоў.

У той час, калi грамадзяне Ўкраiны i беларусы, якія атрымалi пастаянны від на жыхарства (пмж), могуць выехаць у любую краiну ЕС, мажлівасці беларускіх уцекачоў без статусу пмж вельмі абмежаваныя (iнфармацыя будзе ўдакладняцца). Сёння большасць з iх рассяляюць па кватэрах беларусаў, у мінулым такіх жа ўцекачоў. Але гэта вырашае праблему жытла толькі на вельмi кароткi час. У дадатак беларусы сутыкаюцца ў Польшчы з варожасцю, што ўскладняе пошук жытла.

Сябры, наша дапамога ў гэтым напрамку вельмі патрэбна! Мы будзем рабіць тое, што рабiлi на працягу апошняга года: дапамагаць з аплатай часовага жытла, толькi ўжо ў Польшчы.

У гэтым напрамку мы маем намер супрацоўнічаць з ужо iснуючымі арганізацыямі, аб’яднаннямi ў гэтай краіне (будзе ўдакладняцца).

Free Belarus Center застаецца партнёрам нашага праекта.

На сённяшні дзень за дапамогай к беларускiм валанцёрам у Польшчы звяртаецца шмат людзей, якім ужо сёння цi ў найбліжэйшы час будзе патрэбна дапамога з аплатай часовага жытла.

Вашая дапамога патрэбна зараз як ніколі!

Падтрымаць праект: https://razam.de/ukrrefhelp/

Categories
razam

Гуманітарная дапамога Украіне

Паважаныя чальцы аб’яднання RAZAM, дарагія сябры,
Мы ўзрушаны тым, што ўкраінскія гарады абстрэльваюцца Расіяй і сотні тысяч жанчын і дзяцей вымушаныя пакінуць краіну, у той час як іх мужы застаюцца абараняць Украіну, часам голымі рукамі. Мы ўвесь час на сувязі з нашымі партнэрамі ва Ўкраіне, якія падтрымліваюць беларускіх уцекачоў, змушаных зараз ізноў перасяляцца. На гэты раз з Украіны ў Польшчу ці
іншыя бяспечныя краіны.

Сумесныя дэманстрацыі з украінскімі арганізацыямі па ўсёй Германіі, тэрміновы збор адзення і медыкаментаў, дапамога ў размяшчэнні і юрыдычныя кансультацыі для ўцекачоў… Усё гэта мы робім з дапамогай шматлікіх каналаў сувязі і кантактаў. Што яшчэ мы можам рабіць? Чым яшчэ мы можам дапамагчы? Гэтыя пытанні зараз займаюць нас кожную гадзіну і штодня. Часам на іх некалькі варыянтаў адказу, таму мы заклікаем нашых сяброў і беларускую дыяспару ахвяраваць сродкі.

Калі ласка, зрабіце ахвяраванне на карысць ініцыятывы RAZAM e.V. “Гуманітарная дапамога Украіне”, каб мы маглі хутка і сістэматычна рэагаваць на просьбы арганізацыяў, якія звяртаюцца да нас за падтрымкай. Як заўсёды, мы апублікуем справаздачу аб выкарыстанні сродкаў. Дзякуй за ваш уклад і падтрымку!

Іншыя спосабы падтрымаць нас вы знойдзеце ў табулятары галоўнай старонкі https://razam.de

Жыве Беларусь! Слава Украіні!
Бенефіцыяр: Belarusische Gemeinschaft RAZAM e.V.
IBAN: DE14430609671186206000
BIC: GENODEM1GLS
Банк: GLS Gemeinschaftsbank eG
Мэта: Гуманітарная дапамога Украіне

Categories
Дапамога беларускім уцекачам Справаздача

Дапамога беларускім уцекачам ва Ўкраіне

Сума ахвяраванняў, што паступілі на рахунак нашага праекта за лістапад і снежань 2021, складае 6.979,38 еўра. Часовае жыллё ў гэты справаздачны перыяд было сплачана 53 беларускім уцекачам, у тым ліку 1-ой сям’і з непаўналетнім дзіцём.

Дзякуючы вашай падтрымцы, мы змаглі паспяхова скончыць наш першы працоўны год, aказаўшы самую неабходную дапамогу больш чым 330 уцекачам, у тым ліку і сем’ям з малалетнімі дзецьмі. Шчыры дзякуй кожнаму з вас, хто на працягу гэтага года аднаразова цi рэгулярна, маленькай ці вялікай сумай дапамог у працы гэтай ініцыятыве!

На сённяшні дзень (24 студзеня) у нашай дапамозе маюць патрэбу 12 чалавек, змушаных з-за пераследу пакінуць Беларусь.

Заставайцеся з намі!

Categories
Дапамога беларускім уцекачам Навiны праекта

Праекту «Дапамога беларускiм уцекачам ва Ўкраіне» – 1 год

Mы пачалі нашу працу год таму, у пачатку снежня 2020 года, з публікацыi у Фэйсбуку і на тэлеграм-канале. Ужо ўвосень 2020, пасля першай вялікай хвалі міграцыі з Беларусі, мы, актывісты з аб´яднання Разам, зразумелі, што асноўны паток палітычнай міграцыі праходзіць праз Украіну. Было відавочна, што людзі (ў большасці выпадкаў пасля абсалютна непадрыхтаваных уцёкаў) пакінутыя на саміх сябе і перагружаны складанымі пытаннямі. Многія не маюць фінансавых сродкаў, каб пакрыць жыццёва неабходныя выдаткі. Так узнікла ідэя забяспечваць уцекачоў ва Ўкраіне часовым жыллём і дапамагаць з аплатай тэрмінова неабходнай медыцынскай дапамогі. 

Вынік гэтага году: разам з вамi мы дапамаглi больш чым 300 чалавек, сярод іх 29 сямей з непаўналетнімі дзецьмі. 

I cёння мы хочам падзякаваць усім, хто фінансава падтрымлівае гэту ініцыятыву, нястомным арганізатарам акцый салідарнасці ў зямлі Паўночны Рэйн-Вестфалiя, якія клапоцяцца пра рэгулярныя ахвяраванні, i нашым каляжанкам з НДА Free Belarus Center у Кіеве. Без працы Free Belaus Center на месцы гэтая дапамога была б немагчыма.

Мы лiчым вельмi важным расказваць пра лёсы людзей, што былі змушаныя пакінуць Радзіму з-за пераследу. Сярод тых, каму мы дапамагалі, былі пенсіянеры, якія пацярпелі ад пераследу за каментары ў сацыяльных сетках, студэнты, журналісты, мастакі, праваабаронцы, валанцёры арганізацый дапамогі, сябры страйкавых камітэтаў, адміністратары тэлеграм-каналаў, блогеры, а таксама шматлікія актывісты, адзінай «злачыннасцю» якіх было супрацьстаянне падману і гвалту з боку рэжыму.

Усім гэтым людзям пагражаў у Беларусі пераслед з прысудам вялікіх штрафаў, пазбаўленнем альбо абмежаваннем волі. 

На сённяшні дзень (17.12.2021) наш праект аплачвае ў Кіеве часовы прытулак 13 беларусам і беларускам. 

Паток уцекачоў з нашай Радзімы не перапыняецца. 

Для ўсіх нас, што знаходзяцца ў бяспецы, гэта азначае: не стамляючыся ДАПАМАГАЦЬ і далей, і далей ПАДТРЫМЛIВАЦЬ! 

Categories
Дапамога беларускім уцекачам Справаздача

Дапамога беларускім уцекачам ва Ўкраіне

Сума ахвяраванняў, якія паступілі на рахунак нашага праекта з 01.10.2021 г. да 31.10.2021 г., складае 2.432,53 еўра. Дзякуй усім, хто давярае нашай працы і падтрымлівае дадзеную ініцыятыву! 

Мы асабліва ўдзячныя рэгіянальнай групе беларусаў у зямлі Паўночны Рэйн-Вестфалiя за рэгулярную падтрымку праекта і беларусам Баварыi за ахвяраванне ў памеры 400 еўра.

У кастрычнiку дапамогу ў аплаце часовага жылля атрымалі 53 беларускіх уцекача, у тым ліку пяць сем’яў з непаўналетнімi дзецьмi. Са сродкаў праекта аплачвалася пражыванне ў хостэле. Час аказання дапамогі складаў ад некалькiх дзён да трох тыдняў. 

Ад пачатку нашага праекта (снежань 2020 года) да канца кастрычнiка 2021 года разам з вамі мы дапамаглі каля 290 беларусам (улiчваючы дзяцей), якiя былі змушаныя пакінуць Радзіму з-за рэпрэсій. На дадзены момант (21.11) наш праект аказвае дапамогу 14 чалавекам

Заставайцеся з намі!

Фінансавая справаздача

Рэшта з мiнулага перыяда: 925 еўра

Ахвяраванні: 2.432,53 еўра

Выдаткі:

  • Аплата жытла: 3.484,7 еўра
  • Камісія за грашовыя пераводы: 34,00 еўра
  • Агулам: 3.518,7 еўра
  • Рэшта: – 161,00 еўра
Categories
razam Дапамога палітвязням Справаздача

Справаздача: Дапамога палітвязням у Беларусі

Дарагія сябры!

Прапануем вашай увазе другую справаздачу аб працы нашай ініцыятывы па дапамозе беларускім палітзняволеным. Дзякуючы вашай дапамозе на дадзены момант мы стала падтрымліваем 32 вязня. У той жа час, аднак, вядома аб як мінімум 1028 людзях, якія знаходзяцца ў вязніцах. Вы можаце падтрымаць таксама іх. Распаўсюджвайце інфармацыю аб нашай ініцыятыве, альбо падтрымайце яе фінансава. Дзякуючы гэтаму мы зможам апекавацца большай колькасцю вязняў.

Банкаўскі перавод:

Атрымальнік: Belarusische Gemeinschaft «RAZAM» e.V.
IBAN: DE14430609671186206000
BIC/SWIFT: GENODEM1GLS
Прызначэнне плацяжу: BelPPHelp


Шчыра дзякуем за вашую падтрымку!

Categories
razam Дапамога беларускім уцекачам Справаздача

Дапамога беларускім уцекачам ва Ўкраіне

Сума ахвяраванняў, якія паступілі на рахунак нашага праекта з 01.08.2021 г. да 31.08.2021 г., складае 2.014,94 еўра. За гэты час дапамогу ў аплаце часовага жылля атрымалі 42 беларускіх уцекача, у тым ліку адна сям’я з непаўналетнім дзiцём. 

Са сродкаў праекта аплачвалася пражыванне ў хостэле і ў арэндаванай для праекта кватэры (калівінг). Час аказання дапамогі складаў ад некалькiх дзён да шасцi тыдняў. Акрамя гэтага, былі аплачаныя тэрміновыя медыцынскія выдаткі аднаму з бежанцаў, чый стан здароўя пагоршыўся пасля працяглага знаходжання ў СІЗА.

Ад пачатку нашага праекта (снежань 2020 года) да канца ліпеня 2021 года разам з вамі мы дапамаглі каля 230 беларусам (улiчваючы дзяцей), якiя былі змушаныя пакінуць Радзіму з-за рэпрэсій. На дадзены момант (05.09) наш праект аказвае дапамогу 18 чалавекам

Дзякуй усім, хто давярае нашай працы і падтрымлівае дадзеную ініцыятыву!

Фінансавая справаздача

Рэшта з мiнулага перыяда: 1.090,68 еўра

Ахвяраванні: 2.014,94 еўра

Выдаткі:

Аплата жытла: 2.292,17 еўра

Медыцынскія выдаткі: 150 еўра

Камісія за грашовы пераводы: 35,50 еўра

Агулам: 2.477,67 еўра

Рэшта: 627,96 еўра

Categories
Дапамога беларускім уцекачам Справаздача

Дапамога беларускім уцекачам ва Ўкраіне

Сума ахвяраванняў, якія паступілі на рахунак нашага праекта з 01.07.2021 г. да 31.07.2021 г., складае 3.580,70 еўра. За гэты час дапамогу ў аплаце часовага жылля атрымалі больш за 40 беларускіх уцекачоў, у тым ліку дзве сям’і з непаўналетнімі дзецьмі. 

Са сродкаў праекта аплачвалася пражыванне ў хостэле і ў арэндаванай для праекта кватэры (калівінг). Час аказання дапамогі складаў ад некалькiх дзён да пяці тыдняў. Акрамя гэтага, былі аплачаныя стаматалагічныя паслугі для дзіцяці з сям’і бежанцаў.

Ад пачатку нашага праекта (снежань 2020 года) да канца ліпеня 2021 года разам з вамі мы дапамаглі больш чым 190 беларусам, якiя былі змушаныя пакінуць Радзіму з-за рэпрэсій. На дадзены момант (06.08) наш праект аказвае дапамогу 21 чалавеку. 

Дзякуй усім, хто давярае нашай працы і падтрымлівае дадзеную ініцыятыву!

Фінансавая справаздача

Рэшта з мiнулага перыяда: 8,98 еўра

Ахвяраванні: 3.580,70 еўра

Выдаткі:

Аплата жытла: 2.271 еўра

Медыцынскія выдаткі: 160 еўра

Камісія за грашовы пераводы: 68 еўра

Агулам: 2.499 еўра

Рэшта: 1.090,68 еўра

Categories
Дапамога беларускім уцекачам Справаздача

Дапамога беларускім уцекачам ва Ўкраіне

Сума ахвяраваньняў, якія паступілі на рахунак нашага праекта з 01.06.2021 г. да 30.06.2021 г., складае 1033 эўра. Дапамогу ў аплаце часовага жыльля атрымалі 30 беларускіх уцекачоў, у тым ліку дзьве сям’і зь непаўналетнімі дзецьмі. 

Са сродкаў праекта аплачвалася пражываньне ў хостэле і ў арэндаванай для праекта кватэры (калівінг). Час аказаньня дапамогі складаў ад аднаго да шасці тыдняў. 

У гэтым месяцы мы змаглi абыйсцiся невялікаю сумаю грошай, бо аплата за калiвiнг была пералічана ўжо ў траўнi.

Ад пачатку нашага праекта (снежань 2020 года) да сёньняшняга дня (9 ліпеня 2021 года) нашую дапамогу атрымалі 180 беларускіх уцекачоў. 

Фінансавая справаздача

Рэшта з мiнулага перыяда: 478,20 эўра

Ахвяраванні: 1.033,78 эўра

Выдаткі:

Аплата жытла: 1.465,1 эўра

Камісія за грашовы пераклад: 37,9 эўра

Агулам: 1.503 эўра

Рэшта: 8,98 эўра