Categories
razam Дапамога палітвязням Справаздача Справаздача

Вынікі каляднай акцыі Weihnachtswunder

Weihnachtswunder 2021: вынікі каляднай акцыі

У лічбах:

Усяго аплацілі 320 падарункаў. З іх:
– 199 падарункаў для дзяцей,
– 121 падарункаў для дарослых у выглядзе сертыфікатаў.

Сабрана за ўсё: 14475,40 EUR
Выдаткавана: 9490,33 EUR
Рэшта — пераведзеная на дапамогу палітвязням: 4985,07 EUR

Такім чынам мы RAZAM змаглі ўзяць пад сваё крыло яшчэ 10 палітвязняў, якіх будзем падтрымліваць штомесяц. Усяго мы зараз фінансава падтрымліваем 43 палітвязняў штомесяц. Пераводзім грошы іх сем’ям.

Водгукі:

Прывітанне ўсім добрым людзям! Шчыры дзякуй ад нашай сям’і за падарункі! У гэтым, 2021 годзе, мой муж патрапіў на «хімію». І наш маленькі сын, і я вельмі сумуем, што ён не з намі. Але ж не даюць апускаць рук менавіта нашы людзі, тут, у Беларусі, і за яе межамі. І не толькі беларусы. Дзякуй за вашу салідарнасць і за ўсмешку нашага сына, а таксама за ўсіх тых, кому вы ўжо падарылі цеплыню і яшчэ падорыце! Лічу, што менавіта ў людзях і салідарнасці, даражэнькія, і ёсць наша моц.

Забрала падаруначкі!!! І я абамлела. Гульні проста ваў-ваў, але гэта ж не ўсё!!! + сертыфікат на 140 рублёў у «21 век» !!! Яны нічога не пераблыталі??? Можа, гэта на дзве сям’і???? Перадай найвялікшы дзякуй тым чараўнікам, якія маюць такое спагадлівае, добрае, шчодрае, а адным словам «беларускае сэрца».Я не магу катлеты дасмажыць))))) ачмурэла)))

Гэта так прыемна, проста да слёз! Дзецям патлумачылі, што гэта падарунак ад сапраўдных беларусаў! Дзякуй вам! Гэта вельмі ўмацавала веру ў Беларусаў і ў будучыню нашай нацыі! Дзеці перадаюць: Жыве Беларусь!

Дапамагаць палітвязням RAZAM з намі можна так:

Банкаўскі перавод:

Kontoinhaber: Belarusische Gemeinschaft RAZAM e.V.

IBAN: DE14430609671186206000

BIC: GENODEM1GLS

Verwendungszweck: BelPPHelp

Categories
Дапамога беларускім уцекачам Справаздача

Дапамога беларускім уцекачам ва Ўкраіне

Сума ахвяраванняў, што паступілі на рахунак нашага праекта за лістапад і снежань 2021, складае 6.979,38 еўра. Часовае жыллё ў гэты справаздачны перыяд было сплачана 53 беларускім уцекачам, у тым ліку 1-ой сям’і з непаўналетнім дзіцём.

Дзякуючы вашай падтрымцы, мы змаглі паспяхова скончыць наш першы працоўны год, aказаўшы самую неабходную дапамогу больш чым 330 уцекачам, у тым ліку і сем’ям з малалетнімі дзецьмі. Шчыры дзякуй кожнаму з вас, хто на працягу гэтага года аднаразова цi рэгулярна, маленькай ці вялікай сумай дапамог у працы гэтай ініцыятыве!

На сённяшні дзень (24 студзеня) у нашай дапамозе маюць патрэбу 12 чалавек, змушаных з-за пераследу пакінуць Беларусь.

Заставайцеся з намі!

Categories
Дапамога беларускім уцекачам Справаздача

Дапамога беларускім уцекачам ва Ўкраіне

Сума ахвяраванняў, якія паступілі на рахунак нашага праекта з 01.10.2021 г. да 31.10.2021 г., складае 2.432,53 еўра. Дзякуй усім, хто давярае нашай працы і падтрымлівае дадзеную ініцыятыву! 

Мы асабліва ўдзячныя рэгіянальнай групе беларусаў у зямлі Паўночны Рэйн-Вестфалiя за рэгулярную падтрымку праекта і беларусам Баварыi за ахвяраванне ў памеры 400 еўра.

У кастрычнiку дапамогу ў аплаце часовага жылля атрымалі 53 беларускіх уцекача, у тым ліку пяць сем’яў з непаўналетнімi дзецьмi. Са сродкаў праекта аплачвалася пражыванне ў хостэле. Час аказання дапамогі складаў ад некалькiх дзён да трох тыдняў. 

Ад пачатку нашага праекта (снежань 2020 года) да канца кастрычнiка 2021 года разам з вамі мы дапамаглі каля 290 беларусам (улiчваючы дзяцей), якiя былі змушаныя пакінуць Радзіму з-за рэпрэсій. На дадзены момант (21.11) наш праект аказвае дапамогу 14 чалавекам

Заставайцеся з намі!

Фінансавая справаздача

Рэшта з мiнулага перыяда: 925 еўра

Ахвяраванні: 2.432,53 еўра

Выдаткі:

  • Аплата жытла: 3.484,7 еўра
  • Камісія за грашовыя пераводы: 34,00 еўра
  • Агулам: 3.518,7 еўра
  • Рэшта: – 161,00 еўра
Categories
razam Дапамога беларускім уцекачам Справаздача

Дапамога беларускім уцекачам ва Ўкраіне

Сума ахвяраванняў, якія паступілі на рахунак нашага праекта з 01.08.2021 г. да 31.08.2021 г., складае 2.014,94 еўра. За гэты час дапамогу ў аплаце часовага жылля атрымалі 42 беларускіх уцекача, у тым ліку адна сям’я з непаўналетнім дзiцём. 

Са сродкаў праекта аплачвалася пражыванне ў хостэле і ў арэндаванай для праекта кватэры (калівінг). Час аказання дапамогі складаў ад некалькiх дзён да шасцi тыдняў. Акрамя гэтага, былі аплачаныя тэрміновыя медыцынскія выдаткі аднаму з бежанцаў, чый стан здароўя пагоршыўся пасля працяглага знаходжання ў СІЗА.

Ад пачатку нашага праекта (снежань 2020 года) да канца ліпеня 2021 года разам з вамі мы дапамаглі каля 230 беларусам (улiчваючы дзяцей), якiя былі змушаныя пакінуць Радзіму з-за рэпрэсій. На дадзены момант (05.09) наш праект аказвае дапамогу 18 чалавекам

Дзякуй усім, хто давярае нашай працы і падтрымлівае дадзеную ініцыятыву!

Фінансавая справаздача

Рэшта з мiнулага перыяда: 1.090,68 еўра

Ахвяраванні: 2.014,94 еўра

Выдаткі:

Аплата жытла: 2.292,17 еўра

Медыцынскія выдаткі: 150 еўра

Камісія за грашовы пераводы: 35,50 еўра

Агулам: 2.477,67 еўра

Рэшта: 627,96 еўра

Categories
Дапамога беларускім уцекачам Справаздача

Дапамога беларускім уцекачам ва Ўкраіне

Сума ахвяраванняў, якія паступілі на рахунак нашага праекта з 01.07.2021 г. да 31.07.2021 г., складае 3.580,70 еўра. За гэты час дапамогу ў аплаце часовага жылля атрымалі больш за 40 беларускіх уцекачоў, у тым ліку дзве сям’і з непаўналетнімі дзецьмі. 

Са сродкаў праекта аплачвалася пражыванне ў хостэле і ў арэндаванай для праекта кватэры (калівінг). Час аказання дапамогі складаў ад некалькiх дзён да пяці тыдняў. Акрамя гэтага, былі аплачаныя стаматалагічныя паслугі для дзіцяці з сям’і бежанцаў.

Ад пачатку нашага праекта (снежань 2020 года) да канца ліпеня 2021 года разам з вамі мы дапамаглі больш чым 190 беларусам, якiя былі змушаныя пакінуць Радзіму з-за рэпрэсій. На дадзены момант (06.08) наш праект аказвае дапамогу 21 чалавеку. 

Дзякуй усім, хто давярае нашай працы і падтрымлівае дадзеную ініцыятыву!

Фінансавая справаздача

Рэшта з мiнулага перыяда: 8,98 еўра

Ахвяраванні: 3.580,70 еўра

Выдаткі:

Аплата жытла: 2.271 еўра

Медыцынскія выдаткі: 160 еўра

Камісія за грашовы пераводы: 68 еўра

Агулам: 2.499 еўра

Рэшта: 1.090,68 еўра

Categories
Дапамога беларускім уцекачам Справаздача

Дапамога беларускім уцекачам ва Ўкраіне

Сума ахвяраваньняў, якія паступілі на рахунак нашага праекта з 01.06.2021 г. да 30.06.2021 г., складае 1033 эўра. Дапамогу ў аплаце часовага жыльля атрымалі 30 беларускіх уцекачоў, у тым ліку дзьве сям’і зь непаўналетнімі дзецьмі. 

Са сродкаў праекта аплачвалася пражываньне ў хостэле і ў арэндаванай для праекта кватэры (калівінг). Час аказаньня дапамогі складаў ад аднаго да шасці тыдняў. 

У гэтым месяцы мы змаглi абыйсцiся невялікаю сумаю грошай, бо аплата за калiвiнг была пералічана ўжо ў траўнi.

Ад пачатку нашага праекта (снежань 2020 года) да сёньняшняга дня (9 ліпеня 2021 года) нашую дапамогу атрымалі 180 беларускіх уцекачоў. 

Фінансавая справаздача

Рэшта з мiнулага перыяда: 478,20 эўра

Ахвяраванні: 1.033,78 эўра

Выдаткі:

Аплата жытла: 1.465,1 эўра

Камісія за грашовы пераклад: 37,9 эўра

Агулам: 1.503 эўра

Рэшта: 8,98 эўра

Categories
razam Дапамога беларускім уцекачам Справаздача

Дапамога ўцекачам. Справаздача 11.05.21

Паважаныя сябры! Сума ахвяраванняў, якія паступілі на рахунак нашага праекта за вышэй паказаны перыяд складае 4366 эўра. За гэты час дапамога па прадастаўленні часовага жылля была аказана 35 беларускім уцекачам. Са сродкаў праекта аплачвалася пражыванне ў хостэле і ў арандуемай для праекта кватэры (колівінг). Час аказання дапамогі складае ў сярэднім 4 тыдні. Дзякуючы шчодрым ахвяраванням нашых нямецкіх сяброў у гэтым месяцы мы змаглі сабраць неабходную суму для аплаты арэнды кватэры за бягучы (травень) і два папярэднія месяцы. З моманту старту праекта (снежань 2020) нашу дапамогу атрымалі больш за 120 беларускіх уцекачоў.

Фінансавая справаздача за перыяд 23.03.2021 – 30.04.2021

Рэшта з прошлага месяца: 760,31 эўра

Прыбыткі: Агулам: 4365,7 эўра

Выдаткі:  Аплата жытла: 4557,70 эўра Камісія за пералік грошай: 166,00 эўра Агулам: 4723,7 эўра

Рэшта: 402,31 эўра

Categories
razam Дапамога беларускім уцекачам Справаздача

Дапамога ўцекачам. Справаздача 22.03.21

Дарагія сябры!

За вышэй паказаны перыяд мы здолелі сабраць 4185,58 эўра. Апроч прыватных ахвяраваньняў, на рахунак нашага праекта паступілі грашовыя сродкі ад ініцыятывы «Breathe Freedom. Дыхайце воляй», а таксама ад беларускай дыяспары NRW.

Дапамога ў аплаце часовага жытла была аказаная 60 беларускім уцекачам, улучаючы пяць сямей зь дзецьмі. Час жытлаваньня складаў/складае ад некалькіх дзён да пяцi тыдняў. У некалькiх выпадках была аказаная фінансавая дапамога па даплаце за арэнду кватэры. Іншым уцекачам было сплачана часовае жытлаваньне ў хостэле цi ў арандуемай для праекта кватэры. (колiвiнг). Мы ўзычылі сэртыфікаты на прадукты харчваньня пяцi беларускім уцекачам.

Дзякуючы вашым ахвяраванням, з моманту старту праекта (снежань 2020) нашу дапамогу атрымалі больш за 110 чалавек.

Фінансавая справаздача за перыяд 18.02.2021 — 22.03.2021

Прыбыткі:
Агулам: 4185,58 эўра

Выдаткі: 
Аплата жытла: 3493,53 эўра
Цэртыфікаты на прадукты харчваньня: 82,12 эўра
Камісія за пералік грошай: 71,90 еўра

Агулам: 3647,55 эўра

Рэшта з прошлага месяца: 222,28
Рэшта: 760,31 эўра

Categories
razam Беларуская Дапамога беларускім уцекачам Справаздача

Дапамога ўцекачам ва Ўкраіне. Справаздача 19.03.21

Паважаныя сябры!

Рэпрэсіі ў Беларусі ўзмацняюцца, і гэта востра адчуваецца па нарастаючай загружанасці нашага праекта. Да нашых украінскіх партнёрам Free Belarus Center і “Родны Кут” штодня звяртаюцца па дапамогу беларусы, вымушаныя тэрмінова пакінуць краіну і якія маюць патрэбу ў жыццёва неабходным. Адначасова з ростам колькасьці ўцекачоў, з надыходам вясны растуць цэны за пражыванне ў хостэлах, чыімі паслугамі (як асноўнага месца засялення) мы карыстаемся. На цяперашні час (на 19.03) нашу дапамогу атрымліваюць 38 беларускіх уцекачоў, у ліку якіх 5 сем’яў з дзецьмі. Практычна ўсім без выключэння ў Беларусі пагражаў крымінальны пераслед і як вынік – турэмнае зняволенне. Многія з сем’яў перажылі візіты правяраючых інспекцый і запалохванне пазбаўленнем бацькоўскіх правоў.

Для часовага засялення наш праект цесна супрацоўнічае з трыма хостэламі. Акрамя гэтага, для мэтаў праекта арандуецца кватэра на 8 чалавек. У апошняй да нядаўняга часу пражывалі дзве сям’і з дзецьмі. Уцекачам, якія знайшлі схаднейшую (больш выгодную) па кошту кватэру, прадастаўляецца дапамога па аплаце арэнды за першы месяц. Многія ўцекачы, пазбавіўшыся з-за звальненняў і штрафаў яшчэ ў Беларусі сродкаў да існавання і выдаткаваўшы свае апошнія грошы на вымушаную эміграцыю, маюць патрэбу не толькі ў аплаце пражывання, але і ў прадуктах харчавання. Са сродкаў праекта людзям, якія запытваюць такую дапамогу, прадастаўляюцца адпаведныя сертыфікаты.

Падтрымаўшы наш праект, вы не толькі аказваеце дапамогу нашым суайчыннікам, якія апынуліся ў экстранай сітуацыі. Ваша дапамога – гэта перш за ўсё сігнал у Беларусь: «Мы салідарныя з вамі! Мы гатовыя падтрымаць вас, калі наступіць момант, калі вам і вашай сям’і пагражае небяспека. Мы РАЗАМ».

Categories
Belarusisch Дапамога беларускім уцекачам Справаздача

Дапамога ўцекачам. Справаздача 17.02.21

Дарагія сябры!

З 16.01.21 па 17.02.21 мы здолелі сабраць 2.503,58 эўра.

За гэты перыяд была аказаная наступная дапамога:

  • Аплата часовага жытла: 1746 еўра.
  • Купля цэртыфікатаў на прадукты харчваньня: 145,38 эўра.
  • Пакрыцьцё пільных медычных выдаткаў: 600 еўра.

Дапамога ў аплаце часовага жытла была аказаная 21-му беларускаму уцекачу, улучаючы чатыры сям’і зь дзецьмі. Час жытлаваньня складаў/складае ад некалькіх дзён да месяца. 

Мы ўзычылі цэртыфікаты на прадукты харчваньня беларускім уцекачам у колькасці трох чалавек. Пільныя медычныя выдаткі былі пакрыты двум уцекачам.

Фінансавая справаздача пра праведзеныя грашовыя аперацыі па ўзычэньню дапамогі беларускім уцекачам ва Ўкраіне за перыяд 16.01.2021 — 17.02.2021

Прыбыткі:
Пералічанае на рахунак злічво: 480 еўра
Праз Money Pool для Украіны: 1429,40 эўра
Праз іншы Money Pool: 270 эўра
На PayPal: 323,92 эўра

Агулам: 2.503,32 эўра

Выдаткі: 
Аплата жытла: 1746,00 эўра
Цэртыфікаты на прадукты харчваньня: 145,38 эўра
Медыцынскія выдаткі: 600 еўра
Камісія за пералік грошай: 33,46 еўра

Агулам: 2.524,84 эўра

Рэшта з прошлага месяца: 243,80
Рэшта: 222,28 эўра