Categories
razam Аб'ява аб прыёме на працу

Запрашаем на працу: Residencies and PR Manager:in

Для нашага праекту “PerspAKTIV” мы шукаем супрацоўніка/ супрацоўніцу на пазіцыю Mini-Job для дапамогі ў планаванні і арганізацыі рэзідэнцый для беларускіх мастакоў і дзеячаў культуры, якія пацярпелі ад рэпрэсій. Падрабязней.

Categories
razam Аб'ява аб прыёме на працу

Запрашаем на працу: Бухгалтара

Мы шукаем нямецкамоўнага бухгалтара для нашага аб’яднання з 1-га чэрвеня 2022 года на палову стаўкі (20 гадзін у тыдзень). Падрабязней.

Categories
razam

Razam Run

Хочаш дапамагчы ўкраінцам і беларусам, якія былі вымушаныя пакінуць свой дом? Гэта проста. Бяжым разам!

#RAZAMRUN – анлайн-забег у падтрымку ўкраінскіх і беларускіх сем’яў, якія эмігравалі ў іншыя краіны і спрабуюць пачаць жыць нанова.

Выбірай любую дыстанцыю і бяжы ў любы час, у любым тэмпе, у любым месцы.

📌 Рэгіструйся на сайце, зрабі ахвяраванне ад 10 еўра, атрымай свой стартавы нумар і бяжы, каб дапамагчы.

🏃Калі бяжым: з 15 па 18 красавіка.

Усе атрыманыя сродкі пойдуць на гуманітарную дапамогу бежанцам з Украіны і Беларусі.

Выкладвай сэлфі і рабі посты з хэштэгам #BelaruswithUkraine #StandwithUkraine, каб як мага больш людзей змаглі зрабіць жыццё простых украінцаў і беларусаў лепшым.

Па заканчэнні анлайн-забегу кожны ўдзельнік атрымлівае сертыфікат і неверагодныя эмоцыі ад дапамогі людзям, якія як ніколі ў гэтым маюць патрэбу.

#RAZAMRUN

Бяжым разам — дапамагаем разам!

Categories
razam

Рэчы першай дапамогі для Украіны

Мы, беларуская суполка “RAZAM e.V.” арганізуем анлайн-збор сродкаў аказання першай дапамогі ва Украіне. Збор адбываецца шляхам пакупкі сродкаў у інтэрнэце і дастаўкі іх на адрас офіса RAZAM. Далей сродкі трапляюць ва Украіну праз нашы лагістычня сеткі.

Вы ахвяруеце, мы дастаўляем 💙💛

Адрас дастаўкі:

Belarusische Gemeinschaft RAZAM e.V.
(Yauheni Fedarovich)
Karl-Marx-Allee 1
10178 Berlin

Мы таксама стварылі спіс у Amazon. У спісе ўжо ўказаны адрас дастаўкі RAZAM. Усё, што вам трэба зрабіць, гэта выбраць жаданыя сродкі са спісу і замовіць.


Вы таксама можаце купіць рэчы самастойна і прывезці іх на наш склад:

Haus der Statistik
Otto-Braun-Straße 70-72 (Block B), Berlin
+491635023347 (11:00-18:30)


Кантакты:
Email: humanhelp@razam.de

Categories
razam

#LebenStattBlumen. Збор ахвяраванняў у падтрымку шпіталяў Украіны

Сёння, 8 сакавіка, адзначаецца Міжнародны жаночы дзень.

Сэнс свята — прасоўванне роўных правоў для жанчын. Але не ўсе могуць адзначыць гэты дзень сёння.

Жанчыны ва Украіне зараз у цяжкім становішчы. Яны на вайне. Штодня павялічваецца колькасць пацярпелых.

Таму Fem Group Каардынацыйнай рады распачала кампанію #LebenStattBlumen #ЖыццёЗаместКветак.

Яе мэта — збор ахвяраванняў для арганізацыі «Падтрымка шпіталяў Украіны». З дапамогай арганізацыі ў шпіталі Дняпра, Запарожжа, Кіева і іншых абласцей дастаўляюцца лекі і іншыя неабходныя матэрыялы.

RAZAM спрыяе пашырэнню правоў і магчымасцяў жанчын і заклікае да дзеянняў зараз! Мы просім вас паўдзельнічаць у акцыі.

📌Спасылка для збору сродкаў.

Categories
Дапамога беларускім уцекачам Навiны праекта

Праца нашага праекта

Шаноўныя сябры!

Як вы разумееце, вайна ва Украiне мае самы непасрэдны ўплыў i на працу нашага праекта. Ужо 12 студзеня для беларусаў была зачынена беларуска-ўкраінская мяжа. У гэты ж час наша партнёрская арганізацыя Free Belarus Center (FBC) перавезла частку ўцекачоў, якім мы дапамагалі на той момант, з Кіева ва Львоў, а потым у Польшчу.

На сённяшні дзень FBC працуе ў Варшаве i займаецца эвакуацыяй людзей (пераважна жанчын i дзяцей) з Украіны ў Польшчу, арганізуе гуманітарную дапамогу, а таксама вядзе вельмі важную інфармацыйную працу https://t.me/freebelaruscenter.

Паводле iнфармацыi Міжнароднай міграцыйнай арганізацыі ААН, за час расейскай агрэсіі за мяжу выехалі 1,45 мільёна ўцекачоў (на 06 сакавiка). Асобнай статыстыкі па беларусах няма. Мы ведаем, што з верасня 2020 года да снежня 2021 года ва Украiну пераехалі i асталяваліся там каля 40 тыс. беларусаў. Сярод апошніх шмат палітычных уцекачоў.

У той час, калi грамадзяне Ўкраiны i беларусы, якія атрымалi пастаянны від на жыхарства (пмж), могуць выехаць у любую краiну ЕС, мажлівасці беларускіх уцекачоў без статусу пмж вельмі абмежаваныя (iнфармацыя будзе ўдакладняцца). Сёння большасць з iх рассяляюць па кватэрах беларусаў, у мінулым такіх жа ўцекачоў. Але гэта вырашае праблему жытла толькі на вельмi кароткi час. У дадатак беларусы сутыкаюцца ў Польшчы з варожасцю, што ўскладняе пошук жытла.

Сябры, наша дапамога ў гэтым напрамку вельмі патрэбна! Мы будзем рабіць тое, што рабiлi на працягу апошняга года: дапамагаць з аплатай часовага жытла, толькi ўжо ў Польшчы.

У гэтым напрамку мы маем намер супрацоўнічаць з ужо iснуючымі арганізацыямі, аб’яднаннямi ў гэтай краіне (будзе ўдакладняцца).

Free Belarus Center застаецца партнёрам нашага праекта.

На сённяшні дзень за дапамогай к беларускiм валанцёрам у Польшчы звяртаецца шмат людзей, якім ужо сёння цi ў найбліжэйшы час будзе патрэбна дапамога з аплатай часовага жытла.

Вашая дапамога патрэбна зараз як ніколі!

Падтрымаць праект: https://razam.de/ukrrefhelp/

Categories
razam

Памятка-парады бацькам, чые дзеці сутыкаюцца з булінгам праз рускамоўнасць

У сувязі з вайной ва Украіне беларусы пачалі сутыкацца з дыскрымінацыяй і булінгам па (руска)моўнай прыкмеце.

Калі дарослыя больш устойлівыя да гэтага, то дзеці — вельмі ўразлівыя да падобных выклікаў.

Падрыхтавалі памятку з парадамі для бацькоў, чые дзеткі сутыкаюцца з булінгам.

Categories
razam Дапамога беларускім уцекачам

Стыпендыяльныя праграмы для студэнтаў і навукоўцаў, якім пагражае небяспека

Распачатая праграма стыпендый для навуковай супольнасці з уразлівых груп (найперш для жыхароў Беларусі, Украіны і Расіі, але магчымыя варыянты і для іншых краін).

Мэта — дапамагчы людзям, якія знаходзяцца ў небяспецы, далей працягваць сваю навуковую дзейнасць, не баючыся за сваё жыццё.

Усе падрабязнасці — у дакуменце.

Арганізатары праграмы: Аkno і UNE.

Categories
razam

Гуманітарная дапамога Украіне

Паважаныя чальцы аб’яднання RAZAM, дарагія сябры,
Мы ўзрушаны тым, што ўкраінскія гарады абстрэльваюцца Расіяй і сотні тысяч жанчын і дзяцей вымушаныя пакінуць краіну, у той час як іх мужы застаюцца абараняць Украіну, часам голымі рукамі. Мы ўвесь час на сувязі з нашымі партнэрамі ва Ўкраіне, якія падтрымліваюць беларускіх уцекачоў, змушаных зараз ізноў перасяляцца. На гэты раз з Украіны ў Польшчу ці
іншыя бяспечныя краіны.

Сумесныя дэманстрацыі з украінскімі арганізацыямі па ўсёй Германіі, тэрміновы збор адзення і медыкаментаў, дапамога ў размяшчэнні і юрыдычныя кансультацыі для ўцекачоў… Усё гэта мы робім з дапамогай шматлікіх каналаў сувязі і кантактаў. Што яшчэ мы можам рабіць? Чым яшчэ мы можам дапамагчы? Гэтыя пытанні зараз займаюць нас кожную гадзіну і штодня. Часам на іх некалькі варыянтаў адказу, таму мы заклікаем нашых сяброў і беларускую дыяспару ахвяраваць сродкі.

Калі ласка, зрабіце ахвяраванне на карысць ініцыятывы RAZAM e.V. “Гуманітарная дапамога Украіне”, каб мы маглі хутка і сістэматычна рэагаваць на просьбы арганізацыяў, якія звяртаюцца да нас за падтрымкай. Як заўсёды, мы апублікуем справаздачу аб выкарыстанні сродкаў. Дзякуй за ваш уклад і падтрымку!

Іншыя спосабы падтрымаць нас вы знойдзеце ў табулятары галоўнай старонкі https://razam.de

Жыве Беларусь! Слава Украіні!
Бенефіцыяр: Belarusische Gemeinschaft RAZAM e.V.
IBAN: DE14430609671186206000
BIC: GENODEM1GLS
Банк: GLS Gemeinschaftsbank eG
Мэта: Гуманітарная дапамога Украіне

Categories
razam

Інфармацыя для ўцекачоў з Беларусі і Украіны

Да нас паступае шмат запытаў аб тым, як Украінцам і Беларусам легальна прыехаць у Германію і якія магчымасці атрымання абароны зараз ёсць.

У сапраўдны момант сітуацыя пастаянна мяняецца – тут стан на 2 сакавіка 2022 года (па-рассейску):