У сувязі з палітычным крызісам у Беларусі, які суправаджаецца сапраўднай гуманітарнай катастрофай, у Еўропе ўпершыню загаварылі аб беларускіх уцекачах. Колькасць людзей, якія пакінулі Беларусь па прычыне пераследаў са жніўня 2020 года, дасягае дзясяткаў тысяч. Многія з гэтых людзей вымушаны бегчы ў паспеху, яны пазбаўлены сродкаў да існавання і не маюць магчымасці хутка ўладкавацца на працу. Большая частка з іх перасяляецца ў Польшчу, Літву ці Украіну.
Але ў сувязі з узмацненнем рэпрэсій колькасць людзей, што прыбываюць з Беларусі ў Германію, пастаянна павялічваецца. Наша ініцыятыва дае падтрымку беларусам, вымушаным па палітычных прычынах уцякаць у Германію.
Як мы дапамагаем?
У першую чаргу гэта:
- кансультацыйная падтрымка і суправаджэнне
- пошук адваката, юрыдычная кансультацыя
- пераклад дакументаў
- псіхалагічная падтрымка
- пошук жылля
Што чакае ўцекачоў у Германіі?
Прыехаўшы у Германію па гуманітарнай ці шэнгенскай візе, можна падаць дакументы на афармленне статусу ўцекача. Гэта дае магчымасць атрымаць матэрыяльную падтрымку, харчаванне і жыллё ад нямецкай дзяржавы. Аднак неабходна ўлічваць, што гэта вельмі доўгі і складаны працэс, які можа заняць да года ці нават болей. Асабліва у першы час даводзіцца сутыкацца са складанасцямі і пераадольваць няпростыя сітуацыі. Умовы пражывання часта вельмі некамфортныя, неабходна праходзіць шэраг інтэрв’ю, на якіх да ўцекачоў не заўсёды ставяцца з разуменнем. Важна мець у наяўнасці доказы, што пацвярджаюць пагрозу бяспекі і свабоды, што ўзнікла ў Беларусі.
Уцекачы, якія валодаюць замежнымі мовамі (нямецкай ці англійскай) і маюць добрыя шансы на працаўладкаванне, маюць магчымасць пасля прыезду перааформіць гуманітарную ці шэнгенскую візу на рабочую. Такія пытанні вырашаюцца індывідуальна і мэтазгодна прыцягваць на дапамогу адваката, які аргументавана пацвердзіць немагчымасць вяртання ў Беларусь для афармлення дакументаў праз нямецкае пасольства.
Як з намі звязацца?
Калі вы сутыкнуліся з рэпрэсіямі і вам неабходна дапамога па рэлакацыі ў Германію запоўніце, калі ласка, гэтую форму. Калі вы хацелі б падтрымаць нашу ініцыятыву ў якасці валанцёра, пішыце нам, калі ласка, на contact@razam.de.
Як ахвяраваць грошы?
Беларускім уцекачам у Германіі вельмі часта неабходны кансультацыі адвакатаў. Таму мы збіраем сродкі для аплаты юрыдычнай дапамогі. Калі частка сабраных намі сродкаў застанецца нявыдаткаванай, яны пойдуць на іншыя дабрачынныя ініцыятывы RAZAM.
Банкаўскі рахунак:
Атрымальнік:
Belarusische Gemeinschaft «RAZAM» e.V.
IBAN: DE14430609671186206000
BIC/SWIFT: GENODEM1GLS
Прызначэньне платы: DeuRefHelp
Паводле закона, якія дзейнічае з 01.01.2021, пацвярджэннем аб ахвяраванні да 300 еўра з’яўляецца выпіска аб пераводзе грошай з вашага рахунка. Калі вы цягам года робіце ахвяраванне на суму больш за 300 еўра, то, калі ласка, пішыце свой адрас, а таксама адрас электроннай пошты, каб атрымаць пасля пацвярджэнне аб ахвяраванні (Spendenquittung).