«Мы ня былі знаёмыя да гэтага лета» — так пачынаецца добра вядомая песьня, якая хутка стала неад’емнай часткай негвалтоўных пратэстаў 2020 года. Таму што такой салідарнасьці сярод жыхароў Беларусі яшчэ не было. Мы ў Германіі таксама былі зьдзіўленыя, колькасьцю аднадумцаў. Мы знайшлі адно аднаго ў акцыях салідарнасьці й распачалі ініцыятывы дапамогі ахвярам дзяржаўнага гвалту. Нашая мэта, як згуртаваньня, ў тым, каб прасоўваць і падтрымліваць гэтую ўнікальную ангажаванасьць дыяспары ў доўгатэрміновай перспектыве. Але як супрацоўнічаюць валянтэры, сябры згуртаваньня, праўленьне й каманда РАЗАМ?