Беларуская суполка “Разам” у Брэмене з задавальненнем паведамляе аб заснаванні брэменскага Камітэта салідарнасці з Беларуссю. Мы – міжпартыйны камітэт, у які ўваходзяць прадстаўнікі ўсіх дэмакратычных партый Брэмена, нашы члены – жыхары Брэмена з беларускімі каранямі альбо проста неабыякавыя да лёсу Беларусі брэменцы. Наша мэта – дапамагчы ахвярам дзяржаўнага гвалту і ўсталяваць кантакты з мэтай падтрымаць развіццё дэмакратыі і грамадзянскай супольнасці ў Беларусі.