АХВЯРЫ РЭЖЫМУ

АЛЯКСАНДАР ВІХОР

† 10.08.2020

Аляксандар Віхор (нар. 14.2.1995) быў арыштаваны падчас акцыяў пратэсту 9-га жніўня ў Гомлі, не гледйзячы на тое, што, па словах маці, ён не ўдзельнічаў у акцыях, а проста ехаў да сваёй дзяўчыны. У яго былі праблемы з сэрцам, у выніку якіх ён памёр у пастарунку.

Іншы затрыманы, які быў з Аляксандрам у аўтазаку, апісаў ягоныя апошнія моманты: ”Ён быў у страшным стрэсе, пацеў, хваляваўся, прасіў увесь час мэдыцынскай дапамогі, на яго ніхто не зьвяртаў увагі. Калі нас везьлі з суду на СІЗА, яму было вельмі блага, ён зноў прасіў пра дапамогу, клікаў маму, тату. Тады міліцыянты, ці хто яны, канвой ці наглядчыкі, пырснулі ў яго пярцовым газам. Нас вывелі, ён застаўся ў аўтазаку адзін. Я толькі чуў, як яны спыталіся: ”А з гэтым што рабіць?”, і адказ: ”Хай здыхае”.

На абвінавачваньні, сьледчы сказаў сваякам загінулага: ”Так, зьбілі. Аднак у нашай краіне міліцыі дазволена пры пэўных умовах ужываць фізічную сілу, кайданкі й зброю. Мы правяраем, злоўжывалі яны паўнамоцтвамі ці не”. У выніку крымінальная справа так і не была распачатая.