На мінулым тыдні ў Берліне адбылася першая навучальная паездка для беларускіх медыяспецыялістаў ў рамках праекта «KRAINA Media Sandbox».

Беларускія спецыялісты медыя, якія працуюць над стварэннем інавацыйнай беларускай медыяплатформы KRAINA Media, на працягу тыдня сустрэліся са шматлікімі нямецкімі медыяэкспертамі для абмену вопытам. Пры гэтым асноўная ўвага была нададзена канцэптуалізацыі цікавых пілотных медыяпраектаў, прысвечаных беларускаму грамадству і культуры для KRAINA Media. Акрамя таго, удзельнікі абмяняліся думкамі па такіх тэмах, як навука і грамадскасць, журналістыка ў выгнанні, праца ў сацыяльных сетках, падкасты, сторытэлінг і медыяменеджмент.

З новымі уражаннямі каманда KRAINA Media працягвае распрацоўку медыяплатформы і пілотных праектаў.

Праект «KRAINA Media Sandbox» рэалізуецца RAZAM e.V. і KRAINA Media пры фінансавай падтрымцы Федэральнага міністэрства замежных спраў.