Запрашаем вас наведаць канцэрт Аляксандра Памідорава, які завітае да нас, у Франкфурт, 9 лютага!

Акустычныя выступы Аляксандра Памідорава, як пасьля ад’езду зь Беларусі, гэтак і трохі раней, гэта ня сольныя канцэрты ў поўнай меры і межах. Гэта, у пэўным сэнсе, як канцэрты ў менскіх і ня толькі дварах 2020-21 гадоў, ня “зорныя выступы”, а знаёмствы. Са слухачамі, з тымі, хто хоча пазнаёміцца з творчасьцю, ці асабіста, суседскае знаёмства, і размова. Таму падчас выступу можна і трэба задаваць любыя пытаньні, па ўсіх тэмах нашага і планэтарнага жыцьця. Памідораў адкажа на ўсе пытаньні максымальна шчыра! Безумоўна, будуць выкананыя гіты з супольных музычных праектаў “Lomir Zech Iberbetn”, “Цуд На Каляды”, вядомыя песні, тыпу “Быць Беларусам”, “Дым”, “Радыё”, “Дзень Без Гарэлкі”, “Вітальная”. Таксама прагучаць песьні, што дагэтуль існуюць толькі ў акустычным выкананьні, гэта значыць, што іх пачуеце толькі і выключна вы. Прыходзьце!

⏰ Калі? 9 лютага (пятніца) а 18:30

📍 Дзе? stadtRAUMfrankfurt (Mainzer Landstraße 293), пакой 4012